როგორც უკვე იცით 14 წლის შემდეგ ერთ-ერთი ყველაზე ცნობილი რომანტიკული კომედია ეკრანზე ბრუნდება, თუმცა, სულ რაღაც 10-წუთიანი სიქველით.

ფილმი ეკრანზე სპეციალურად Comic Relief-ის Red Nose Day-ზე გამოვა, რომლის დამფუძნებელიც Love actually-ის სცენარის ავტორი და რეჟისორი რიჩარდ კერტისია.

Love Actually, რომელიც შობის კლასიკად ითვლება, ეკრანზე 2003 წელს გამოვიდა და $240 მილიონი დოლარზე მეტი მოგება მოიტანა.

"არასდროს მიოცნებია Love Actually-ს სიქუელის დაწერაზე, მაგრამ 10-წუთიანი ნაწილის შექმნა ნამდვილად სახალისო იყო", - ამბობს კერტისი.

სიქველში კვლავ ვიხილავთ ჰიუ გრანტს, მარტინ ფრიმანს, კირა ნაითლის, კოლინ ფერტს, ლაიამ ნისონს და სხვა დანარჩენებს, თუმცა სამწუხაროდ, მათთან ერთად არ იქნება ემა ტომპსონი. მისი პარტნიორი ალან რიკმანი შარშან გარდაიცვალა, შესაბამისად, ემა ტომპსონის პერსონაჟის ისტორია კინოსურათში ვერ გაგრძელდება.

შეგახსენებთ იმასახ, რომ Red Nose Day-ს კამპანიას წელს საქართველოც შეუერთდება.

Love Actually ეკრანზე 24 მარტს გამოვა და BBC-ზე გავა, 25 მაისს კი მისი ამერიკული პრემიერა NBC-ზე შედგება.