ექსპრეზიდენტ მიხეილ სააკაშვილის გათავისუფლების მოთხოვნით, 21 დეკემბერს რუსთაველის გამზირზე აქცია გაიმართება. ინფორმაციას ამის შესახებ Facebook-ში ნაციონალური მოძრაობის თავმჯდომარე ნიკა მელია ავრცელებს. აქცია 18:00 საათზე დაიწყება.

უკრაინაში მცხოვრები ექსპრეზიდენტი მიხეილ სააკაშვილი საქართველოში სექტემბრის ბოლოს, საარჩევნოდ დაბრუნდა, რომლის შემდეგაც ის პირველ ოქტომბერს დააკავეს. დაკავების პირველივე დღიდან მან შიმშილობა გამოაცხადა. შიმშილობა გაგრძელდა გლდანის მე-18 დაწესებულებაშიც, სადაც მისი განცხადებით, მოტყუებითა და იძულებით გადაიყვანეს. სააკაშვილმა შიმშილობა მას შემდეგ შეწყვიტა, რაც იუსტიციის სამინისტრომ გორის სამხედრო ჰოსპიტალში გადაყვანა შესთავაზა. ექსპრეზიდენტი რუსთავის პენიტენციური დაწესებულებიდან გორის სამხედრო კლინიკაში 19 ნოემბერს, 50-დღიანი შიმშილობის შემდეგ გადაიყვანეს.