წესით, უკვე ადამიანების უმეტესობა სასურველი მეორე ნახევრის საპოვნელად შუამავალს, იგივე მაჭანკალს, აღარ მიმართავს ხოლმე... აღარც ჟურნალ-გაზეთებში გამოქვეყნებული განცხადებებია დიდად პოპულარული. თუ გავითვალისწინებთ იმასაც, რომ პანდემიურმა რეალობამ საჯარო სივრცეში გაცნობის შესაძლებლობაც გაართულა, მაშინ რაღა გზა დაგვრჩა?

პასუხი მარტივია: ვირტუალური სივრცე. უფრო კონკრეტულად კი, გაცნობის ისეთი აპლიკაციები, როგორებიცაა, მაგალითად, Tinder და Grindr. ცხადია, არც ეს მეთოდებია იდეალური და უნაკლო, მაგრამ როცა სხვა არაფერი გამოდის, ამასღა ჯერდები.

ახლა იმ სიტუაციებს წარმოგიდგენთ, რომლებიც ყველასთვის ნაცნობი იქნება, ვისაც ერთხელ მაინც გამოუყენებია გაცნობის აპლიკაცია.

1. მეგობრისგან, რომელმაც გარკვეულ წარმატებას უკვე მიაღწია მსგავს აპლიკაციაში, რჩევებს იღებ

როგორც წესი, მეგობრები არიან პირველები, რომლებიც გირჩევენ, რომ გაცნობის აპლიკაცია ჩამოტვირთო (ალბათ, მარტოსულობაზე შენი წუწუნით დაიღალნენ). შემდეგ კი თავიანთ გამოცდილებასაც გიზიარებენ: "ეგ ფოტო არა, მეორე ატვირთე"; "მაგას ნუ მიწერ"; "სასეირნოდ დაპატიჟე" და ა.შ.

2. აპლიკაციაში დიდი იმედებითა და მოლოდინებით რეგისტრირდები...

როცა მსგავს აპლიკაციას პირველად იწერ, აშკარად თუ არა, გულის სიღრმეში მაინც გჯერა, რომ, აი, სულ ცოტაც და იმ ერთადერთს იპოვი...

3. მაგრამ ოპტიმისტური განწყობა თვალის დახამხამებაში ქრება

"არც წყალი, არც კიბე... საერთოდ რას მოდიოდნენ?!"

4. მოსაწყენ დიალოგებს ვერ ასცდები

"რომელია შენი საყვარელი ფერი?", "რამდენი და-ძმა გყავს?", "დღეს რა ცუდი ამინდია..."

5. შენს იუმორს ვერ უგებენ

როცა ხუმრობის ახსნა და განმარტება გიწევს, მაგაზე ცუდი ცოტა რამაა.

6. გაუფრთხილებლად გიგზავნიან შიშველ ფოტოებს

ადამიანთა გარკვეული ნაწილი ფიქრობს, რომ ეს ნებისმიერი ტიპის ურთიერთობის დასაწყებად საუკეთესო გზაა.

7. ეჭვქვეშ აყენებენ შენი ფოტოების რეალურობას

ასეთ აპლიკაციებში იმდენად ხშირად იყენებენ თაღლითურად სხვის ფოტოებს, რომ დარწმუნებული ვერაფერში იქნები, მათ შორის საკუთარი ფოტოების ავთენტურობაშიც კი.

8. შეტყობინებებზე მოულოდნელად პასუხს აღარ გცემენ ან საერთოდაც გბლოკავენ

როცა ამის მიზეზს ვერაფრით ხვდები, ისღა დაგრჩენია, შეიცხადო: "ეს უბრალოდ ვის გაუბედა?!"

9. ნელ-ნელა კაცობრიობაზე ხელს ჩაიქნევ

რადგან სათანადოდ ვერავინ დაგაფასა: "ნუ დაუყრით ღორებს მარგალიტებს..."

10. ან კიდევ ვერაფრით იგებ, შენ სად დაუშვი შეცდომა

"კარგი ოჯახის შვილი, განათლებული, ზრდილობიანი ვარ და სიტყვა-პასუხი მე არ მეშლება!"

11. ბოლოს კი საერთოდაც აპლიკაციას შლი

"არ ყოფილან ესენი ჩემი ღირსი."

12. მაგრამ გაივლის დრო და ხელახლა გადმოწერ

და ყველაფერი იწყება თავიდან. არაუშავს, გახსოვდეს, რომ ამ წრეზე მოძრაობას მხოლოდ შენ არ იწყებ.

საკუთარი სხეულის შეცნობას და სურვილებთან გულწრფელობას ჰარმონიულ სექსუალურ ცხოვრებასთან მივყავართ. ქართული ონლაინ სექსშოპი Shop69.ge ერთ სივრცეში აერთიანებს სექსშოპს, სექსუალური განათლების შესახებ სტატიებს, ინტერაქტიურ ფორუმს და თემატურ ვლოგებს. ასე რომ, თუ საკუთარი სექსუალური ცხოვრების გამრავალფეროვნება მოგინდა, იცი, სადაც უნდა შეიხედო.