ყოფილი პრეზიდენტის, მიხეილ სააკაშვილის პირადი ექიმის, ნიკოლოზ ყიფშიძის განცხადებით, ექსპრეზიდენტი თავს სუსტად გრძნობს. მისი თქმით, ასევე შეინიშნება ნევროლოგიური დეფიციტი.

"დღესაც პრეზიდენტი ძალიან სუსტად არის. მე ვიტყოდი, რომ კიდევ უფრო სუსტად მომეჩვენა, ვიდრე ორი დღის წინ, როცა ვიყავი ბოლოს. უკეთესად არ არის. ასე რომ, მოველით, ეს კომისია, რომელიც შექმნა სახალხო დამცველმა გასცემს პასუხს კითხვებს. კიდევ შეინიშნება ნევროლოგიური დეფიციტი", — თქვა მან გორის ჰოსპიტალის დატოვების შემდეგ.

დღეს, 9 დეკემბერს თბილისის საქალაქო სასამართლოში მიხეილ სააკაშვილის მიერ საზღვრის უკანონოდ გადაკვეთის საქმეზე პროცესი გაიმართა, თუმცა სხდომას ექსპრეზიდენტი არ ესწრებოდა. სააკაშვილის განცხადებით, ამის მიზეზი ჯანმრთელობის მდგომარეობაა და ერთადერთი, რის გამოც პროცესზე დასწრება სურდა, იმ ადამიანების გამხნევება და მხარდაჭერა იყო, რომლებიც მის გამო "იჩაგრებიან".