ლელო საქართველოსთვის ლიდერის, მამუკა ხაზარაძის თქმით, ამ ქვეყანაში ყველანაირი მოლოდინი აქვს, შეიძლება, ისინი დააკავონ, თუმცა ბრძოლა გაგრძელდება.

"ამ ქვეყანაში ყველანაირი მოლოდინი მაქვს, შეიძლება, დაგვიჭირონ, ამის პრობლემას პიროვნულად მე ვერ ვხედავ, მაგრამ კიდევ ვიმეორებ, ბრძოლა გაგრძელდება იმიტომ, რომ ამ სისტემის დემონტაჟი თუ არ გავაკეთეთ, თუ რაღაც ახალი არ დავიწყეთ ამ ქვეყანაში, არაფერი არ გამოვა. ახლის დაწყება, პირველ რიგში, არის სამართლიანობისა და სამართლის დადგენა და ისეთი ინსტიტუციების შექმნა, სადაც მოქალაქეს და რიგით ადამიანს არ ექნება იმის განცდა, რომ მას არ დაჩაგრავს სახელმწიფო მანქანა", — განაცხადა ხაზარაძემ პროცესის დატოვების შემდეგ.

მამუკა ხაზარაძემ, ბადრი ჯაფარიძემ და ავთანდილ წერეთელმა საკუთარი ე.წ. ფულის გათეთრების საქმეზე მიმდინარე სასამართლო სხდომა პროტესტის ნიშნად დატოვეს. სხდომა დღეს 11:00-ის შემდეგ მიმდინარეობდა.