შინაგან საქმეთა სამინისტრომ ნარკოტიკული ნივთიერების შეძენა-შენახვისა და გასაღების ბრალდებით ხუთი პირი დააკავა. შსს-ს მტკიცებით, ცენტრალური კრიმინალური პოლიციის დეპარტამენტის ნარკოტიკების უკანონო ბრუნვის წინააღმდეგ ბრძოლის მთავარი სამმართველოს თანამშრომლებმა, ჩატარებული ოპერატიულ-სამძებრო და საგამოძიებო ღონისძიებების შედეგად, დაახლოებით, 13 გრამი ჰეროინი ამოიღეს:

"გამოძიებამ დაადგინა, რომ ხუთივე ბრალდებული ნარკოტიკულ საშუალებას სისტემატურად ყიდდა. პოლიციამ ასევე ამოიღო ნარკორეალიზატორთა მიერ მოქალაქეთათვის მიყიდული 0,6069 გრამი ჰეროინი," - აღნიშნულია შსს-ს განცხადებაში.

გამოძიება სურამი მ.-ს მიმართ საქართველოს სსკ-ს 260-ე მუხლის 1-ლი, მესამე და მეოთხე ნაწილებით, რუსლან ი.-ს მიმართ 260-ე მუხლის მეხუთე და მეექვსე ნაწილებით და 261-ე მუხლის 1-ლი ნაწილით, არაზ ა.-ს მიმართ 260-ე მუხლის მესამე და მეოთხე ნაწილებით, ნიზადილ გ.-ს მიმართ 260-ე მუხლის 1-ლი, მესამე და მეოთხე ნაწილებით, ელმადინ მ.-ს მიმართ 260-ე მუხლის მე-3 და მე-5 ნაწილებით მიმდინარეობს.