2021 წელი დასასრულს მიუახლოვდა. წლის ბოლო თვეში, როგორც ყოველთვის, საინტერესო ამბებს და სტატისტიკებს ვაჯამებთ ხოლმე.

წლევანდელი წელი ქართველი მელომანებისთვის იმით იყო გამორჩეული, რომ დიდი ხნის ლოდინის შემდეგ, ქვეყანაში უდიდესი მუსიკალური ციფრული სტრიმინგ პლატფორმა, Spotify გახდა ხელმისაწვდომი.

Spotify დეკემბრის თვეში აქვეყნებს, როგორც გასულის წლის შემაჯამებელ გლობალურ მონაცემებს, ასევე ცალკეულ ქვეყანაში მუსიკის მოყვარულთა შედგენილ რეიტინგებს. ამასთან, თქვენ შეგიძლიათ საკუთარი წლის შეჯამებაც იხილოთ: რას და ვის უსმენდით ყველაზე ხშირად, რამდენი ხანი გაატარეთ მუსიკის მოსმენაში და სხვა.

საინტერესოა, როგორია საქართველოს მონაცემები — რას უსმენდნენ ჩვენს ქვეყანაში ყველაზე ხშირად. 50 კომპოზიციისგან შემდგარ ფლეილისტში თქვენ ბევრ ნაცნობ სახელს შეხვდებით: ოლივია როდრიგო, ბილი აილიში, ჰარი სტაილსი, Arctic Monkeys და სხვები. მაგრამ უპირობო ლიდერი ამერიკელი რეპერი, Lil Nas X არის, რომლის ორი სიმღერა რეიტინგის სათავეშია, შესაბამისად, საქართველოში 2021 წელს ყველაზე მოსმენადი სიმღერების ფლეილისტის გარეკანზე სწორედ ისაა გამოსახული. სხვათა შორის, ფლეილისტში ერთი ტენდენციაა თვალშისაცემი — სიმღერების დიდი ნაწილი ტიკტოკზე პოპულარული "საუნდებია".

მაშ ასე, აი, რას ვუსმენდით 2021-ში ყველაზე ხშირად...

10. The Neighbourhood — Sweater Weather

9. Masked Wolf — Astronaut In The Ocean

8. Måneskin — I WANNA BE YOUR SLAVE

7. Glass Animals — Heat Waves

6. Olivia Rodrigo — good 4 u

5. Dua Lipa და DaBaby — Levitating

4. Måneskin — Beggin'

3. Doja Cat და SZA — Kiss Me More

2. Lil Nas X და Jack Harlow — INDUSTRY BABY

1. Lil Nas X — MONTERO (Call Me By Your Name)