მიხეილ სააკაშვილის მხარდამჭერ აქციაზე დაკავებულ ნაციონალური მოძრაობის აქტივისტ ბესიკ თამლიანს აღკვეთის ღონისძიების სახით წინასწარი პატიმრობა შეეფარდა. ფორმულას ინფორმაციით, რომელიც სხდომას წილისყრით იღებდა, ის გადაწყვეტილებას არ ეთანხმება და შიმშილობას იწყებს.

ბესიკ თამლიანი სისხლის სამართლის კოდექსის მუხლითაა დაკავებული. კერძოდ, მას ბრალად ედება 353-ე მუხლით გათვალისწინებული დანაშაული, რაც პოლიციისადმი წინააღმდეგობას, მუქარას ან ძალადობას გულისხმობს.

თამლიანი 29 ნოემბერს თბილისის საქალაქო სასამართლოსთან, მიხეილ სააკაშვილის მხარდამჭერ აქციაზე დააკავეს. ჯამში, დაკავებულია 15 ადამიანი. აქციაზე იყო დაპირისპირება მონაწილეებსა და სამართალდამცავებს შორის, რა დროსაც რამდენიმე პირი შეუძლოდ გახდა, მათ შორის ოპერატორები. სასამართლოს ეზოში, სავარაუდოდ, წიწაკის სპრეიც გამოიყენეს.

გაიგეთ რაზე ისაუბრა სააკაშვილმა სასამართლო სხდომაზე: