ექსპრეზიდენტ მიხეილ სააკაშვილის ადვოკატმა ნიკა გვარამიამ გორის სამხედრო ჰოსპიტალთან სააკაშვილთან შეხვედრის შემდეგ განაცხადა, რომ მესამე პრეზიდენტისთვის პრინციპულად მნიშვნელოვანია ე.წ. პიჯაკების საქმის სასამართლო განხილვას დაესწროს. გვარამიამ იმედი გამოთქვა, რომ ამ მიმართულებით შეფერხება არ იქნება.

"2 დეკემბერს, თუ არ მეშლება არის, ე.წ. პიჯაკების საქმის განხილვა. მისთვის არის უკიდურესად პრინციპული, რომ ამ საქმეს დაესწროს და ვიმედოვნებთ, რომ არავითარი შეფერხება ამ მიმართულებით არ იქნება", — განაცხადა გვარიამიამ ჟურნალისტებთან.

დღეს, 29 ნოემბერს მიხეილ სააკაშვილის პროცესი გაიმართა. სხდომაზე ექსპრეზიდენტს სიტყვით გამოსვლის უფლება მისცეს — მან სხვადასხვა პოლიტიკურ თემაზე, მათ შორის, საქართველოში ჩამოსვლასა და შიმშილობაზე, გლდანის ციხეში იძულებით გადაყვანასა და მკურნალობაზე ისაუბრა. სასამართლო პროცესზე სიტყვით გამოსვლის შემდეგ, სააკაშვილმა დარბაზი დატოვა და სხდომა მის გარეშე გაგრძელდა.

გაიგეთ რაზე ისაუბრა სააკაშვილმა სასამართლო სხდომაზე: