პრემიერმინისტრის, ირაკლი ღარიბაშვილის განცხადებით ნარკოტიკებსა და აზარტულ თამაშებზე დამოკიდებულებს "მუშაობა უნდა დავაწყებინოთ". ასე პასუხობს ის პირველი არხის ეთერში ჟურნალისტის კითხვას, როგორ უნდა დავეხმაროთ ამ ადამიანებს ფსიქოლოგიურად.

"Public work — შრომა, შრომა, შრომა. უნდა დავაწყებინოთ მუშაობა ამ ადამიანებს და მათი რეალური უნარები, რესურსი უნდა მივმართოთ განვითარებისა და აღმშენებლობისკენ და არა რაღაც გაუგებარ, არაპროდუქტიულ საქმიანობაში [...] ზოგადად მე ვფიქრობ, რომ ყველაზე კარგი გამოსავალი არის, სპორტი, მუშაობა, დასაქმება", — აცხადებს ის.

მისივე თქმით, არსებული ნარკოპოლიტიკის გადახედვის მომხრეა, რადგან ის "აბსოლუტურად მავნებლური და დამაზიანებელია" ჩვენი საზოგადოებისთვის. ღარიბაშვილის განცხადებით, როგორც სტატისტიკა აჩვენებს, ამ მხრივ ქვეყანაში "კატასტროფული მდგომარეობაა".