ევროპული საქართველოს ერთ-ერთი ლიდერი, ექიმი ვახტანგ კალოიანი მმართველ პარტიასა და ყველაზე დიდ ოპოზიციურ პარტიას მოუწოდებს, შეწყვიტონ თავდასხმა ექიმებზე. მისი თქმით, "საერთო ეროვნულ ამოცანის" მისაღწევად მნიშვნელოვანია პროფესიული, პატიოსანი ანალიზი და რეალობისთვის თვალის გასწორება.

"პატიოსანი ექიმებზე თავდასხმა, მოთხოვნა თვალი დახუჭონ რეალურ ფაქტებზე და მიიღონ კონიუნქტურული გადაწყვეტილება, ქართული ოცნების ლიდერების და ნაციონალური მოძრაობის მხარდამჭერებისგან ძალიან სახიფათო პროცესია.

იგი კიდევ უფრო გვაცილებს ჩვენს საერთო ეროვნულ მიზანს — თავისუფალი საზოგადოების შექმნას. მოვუწოდებ ორივე მხარეს შეწყვიტონ თავდასხმა ექიმებზე და მისცენ მათ პროფესიული მოვალეობის შეუფერხებლად შესრულების საშუალება", — წერს კალოიანი სოციალურ ქსელში.

ექსპრეზიდენტ მიხეილ სააკაშვილის შიმშილობის პერიოდში საზოგადოება მისი ჯანმრთელობის მდგომარეობას შესახებ ინფორმაციას როგორც ციხის საავადმყოფოს, ისე პირადი ექიმისა და ორი სხვადასხვა კონსილიუმის წევრებისგან იგებდა. ზოგჯერ, მათი შეფასებები განსხვავებული და ურთიერთსაპირისპიროც კი იყო. ამის გამო, ცალკეული პოლიტიკური ლიდერები კონკრეტულ ექიმებს აკრიტიკებდნენ და მათ მიკერძოებულობაზე საუბრობდნენ. ამ მხრივ, გამოირჩეოდნენ ქართული ოცნების ლიდერები, რომლებიც განსაკუთრებით აკრიტიკებდნენ სახალხო დამცველის ინიციატივით შექმნილი სამედიცინო ექსპერტთა ჯგუფის წევრებს.

გაიგე მეტი: