პარტია დროას ლიდერის, ელენე ხოშტარიას ჯანმრთელობის მდგომარეობა სტაბილურია. ექიმის ინფორმაციით, ამჟამად ის ექიმების მეთვალყურეობის ქვეშ იმყოფება და დაწყებულია სპეციალიზებული კვება მცირე ულუფებით.

"პაციენტის ზოგადი მდგომარეობა სტაბილურია. ანალიზებით არის დამაკმაყოფილებელი სიტუაცია. ამჟამად ექიმების მეთვალყურეობის ქვეშ იმყოფება. ჯერჯერობით დაეწყო ინტრავენური გადასხმები, ამის შემდეგ დაწყებულია სპეციალიზებული კვება მცირე ულუფებით და პროტოკოლის მიხედვით მოხდება კვების გაზრდა", — ამბობს ექიმი.

17-დღიანი შიმშილობის შემდეგ, გუშინ, 19 ნოემბერს ელენე ხოშტარიამ შიმშილობა შეწყვიტა. მან განაცხადა, რომ სააკაშვილის გადაყვანა გორის სამხედრო ჰოსპიტალში მისთვის შიმშილობის შეწყვეტის საფუძველია. შიმშილობის შემდგომი რეაბილიტაციისთვის ის ნიუ ჰოსპიტალში გადაიყვანეს. ადგილიდან ხოშტარიამ დაპოსტა, რომ თავს მშვენივრად გრძნობს და მადლობა გადაუხადა რესპუბლიკური საავადმყოფოს ექიმებს, ვახტანგ კალოიანსა და პარლამენტის ადმინისტრაციას.