ნაციონალური მოძრაობის ერთ–ერთი ლიდერი, ხატია დეკანოიძე საპატრიარქოს მიერ გავრცელებულ განცხადებას, რომ პოლიტიკური მოტივებით შიმშილის მარხვასთან გაიგივება მარხვის არსის დაკნინებაა, ბოროტებას უწოდებს.

"საპატრიარქოს განცხადება არის ბოროტება. ქრისტიანობას ყველაზე უფრო აცდენილი, უარი თქვა ადამიანის გადარჩენაზე, სულის გადარჩენაზე და უზენაესის გადარჩენაზე, სიცოცხლეზე. ასეა ეს და არ გვინდა რევერანსები", — დაწერა დეკანოიძემ Facebook გვერდზე.

საპატრიარქომ ახალქალაქის, კუმურდოსა და კარის მიტროპოლიტი ნიკოლოზის განცხადება გააკრიტიკა, რომელმაც მიხეილ სააკაშვილის შიმშილობასთან დაკავშირებით თქვა, რომ პოლიტიკური მოტივებით განპირობებული შიმშილობის გაიგივება 40-დღიან მშრალ მარხვასთან მარხვის არსის დაკნინებაა. მათივე თქმით, იმედოვნებენ, რომ ის "ასეთ გადაცდომებს აღარ დაუშვებს".

მიტროპოლიტმა ნიკოლოზ ფაჩუაშვილმა ექსპრეზიდენტ მიხეილ სააკაშვილთან შეხვედრის შემდეგ 8 ნოემბერს განაცხადა, რომ სააკაშვილი აზიარა და მისგან აღსარება ჩაიბარა. ფაჩუაშვილის თქმით, ეს არის ისტორიული მოვლენა. ამასთანავე, მან აღნიშნა, რომ ზიარების შესახებ პატრიარქს შეუთანხმდა და ეს მისი კურთხევით მოხდა.