ავსტრალიის და მისი ბუნების შესახებ უკვე იმდენი ვიცით და იმდენი ფოტო-ვიდეო მასალა გვინახავს, რომ რაღამ უნდა გაგვაკვირვოს, არ ვიცით.

მაგრამ ეს ქვეყანა სავსეა სიურპრიზებით და ერთი შეხედვით ჩვეულებრივი სტიქიური უბედურება თან უცნაურია და თანაც სახალისო. თუ არ გჯერათ, ნახეთ რა ხდება ციკლონი დების შემდეგ ქუინსლენდის შტატში.

ჯერ იყო და წყალდიდობამ ასეთი უცნაური და რაც მთავარია საშიში სტუმარი მოჰგვარა მოსახლეობას:

ფოტო: Queensland Fire & Emergency

არ გეჩვენებათ, ნამდვილად ტალახში ამოგანგლული ზვიგენია. ანუ წარმოიდგინეთ, ცხოვრობთ ავსტრალიაში, სადაც ბევრი შხამიანი გველი და ობობა ბინადრობს, იწყება წყალდიდობა, რაც ამ არსებების თქვენთან შეხვედრის შანსებს ზრდის, ამას ემატება ნიანგები, რომლებიც ამ ადიდებულ წყლებში დაცურავენ და თუ ამ ყველაფერს გადაურჩით შეიძლება ზვიგენმა ჩაგავლოთ.

მაგრამ თუ ავსტრალიის შესახებ მასალებს ხშირად ეცნობით, ისიც გეცოდინებათ, რომ ადგილობრივებს არაფერი აშინებთ და ასეთ პირობებში არათუ იძაბებიან და ფრთხილობენ, არამედ, პირიქით, ერთობიან:

ცხადია, სტიქიური უბედურება არც ისე სახალისო ამბავია. წყალდიდობის შედეგად 50 ათასზე მეტ ოჯახს არ მიეწოდება ელექტროენერგია, მიმდინარეობს ხალხის ევაკუაცია და სამაშველო ოპერაციები.