შინაგან საქმეთა სამინისტროს ინფორმაციით, სამართალდამცავებმა ოპერატიული ინფორმაციის საფუძველზე ჩატარებული საგამოძიებო მოქმედებების შედეგად, 1970 წელს დაბადებული გიორგი დ. დიდი ოდენობით ნარკოტიკული საშუალების უკანონო შეძენა-შენახვის ბრალდებით, ბათუმში დააკავეს.

პოლიციის განცხადებით, დაკავებულის პირადი ჩხრეკისას, 19,096 გრამი ჰეროინი და 0,45 გრამი მეტადონის მარილი ამოიღეს.

გამოძიება დიდი ოდენობით ნარკოტიკული საშუალების უკანონო შეძენა-შენახვის ფაქტზე მიმდინარეობს.დამტკიცების შემთხვევაში, დანაშაული 8-დან 20 წლამდე პატიმრობას ითვალისწინებს.