ისეთი შოუები, რომლებშიც ადამიანები მომავალი პარტნიორის გაცნობის მიზნით იღებენ მონაწილეობას, 2021 წელს ძალიან პოპულარული გახდა.

ამ წლის ერთ-ერთ ყველაზე ცნობილი შოუ Netflix-ს ეკუთვნის და მას Sexy Beasts (სექსუალური მხეცები) ჰქვია. როგორც სახელწოდება მიგვანიშნებს, პაემნებზე ადამიანები მხეცების ვიზუალებით მიდიან, რათა შესაფერისი პარტნიორი "შინაგანი სამყაროს" მიხედვით შეარჩიონ.

არა, ხუმრობა არ გეგონოთ, ქვემოთ მოცემულ ვიდეოში ნახავთ, რომ ნამდვილად ასე იქცევიან:

თუმცა ეს ამ ტიპის შოუების ყველაზე დიდი უცნაურობა არ არის და შემდეგი ვიდეოდან ამაში დარწმუნდებით კიდეც.

ბრიტანეთში ახალი სატელევიზიო შოუ Love Trap (სიყვარულის ხაფანგი) გამოჩნდა, რომელში მონაწილე კაცმა მონაწილე ქალებს შორის უნდა ამოიცნოს და გამორიცხოს ის, ვინც უკვე ურთიერთობაშია და შოუში მხოლოდ ფულის სანაცვლოდ იღებს მონაწილეობას. ამ გზით კი, საბოლოოდ, ის ერთადერთი უნდა იპოვოს, ვინც თავისუფალია და მასთან ურთიერთობის გაგრძელება შეეძლება.

თუ როგორია იმ ერთადერთის ამოცნობის პროცესი, ამ ვიდეოში ნახავთ, რომელიც თავიდან შეიძლება ყველაფერი ნორმალურად ჩანდეს, მაგრამ ცოტაც მოიცადეთ...

ჰოოო...

ფოტო: Tenor

თუმცა არ იდარდოთ, შოუს ეს მონაწილე მართლა ქვესკნელის გზას არ გაუყენებიათ...

როგორც თავადვე ამბობს, თავს მშვენივრად გრძნობს.

თუ ეს ყველაფერი სისულელედ გეჩვენებათ, მინიმუმ მსგავსი სიტუაციებისთვის ეს ახალი მიმი გვაქვს.

ფოტო: Chanel 4

აბა, რას ფიქრობთ, თქვენც ხომ არ გინდათ სიყვარულის მახეში მოხვედრა?!