დაავადებათა კონტროლის ეროვნული ცენტრის (NCDC) კვლევის თანახმად, 2021 წლის პირველი ოქტომბრის მდგომარეობით, Covid-19-ით განპირობებული სიკვდილიანობის მაჩვენებელი 1 მილიონ მოსახლეზე 2 399 შეადგენს. NCDC-ის კვლევიდან ვიგებთ, რომ სიკვდილიანობის მაჩვენებლების როგორც რაოდენობრივი, ისე ერთ მილიონ მოსახლეზე მაქსიმალური მნიშვნელობები 2020 წლის ნოემბერ-დეკემბერში და 2021 წლის აგვისტო-სექტემბერში დაფიქსირდა.

ფოტო: NCDC

ფოტო: NCDC

ანგარიშის მიხედვით, 2020 წლის აპრილიდან 2021 წლის სექტემბრის ჩათვლით Covid-19-ით სიკვდილიანობის პროცენტული მაჩვენებელი ყველაზე მაღალ მნიშვნელობას ინარჩუნებდა თბილისის რეგიონში. გამონაკლისს წარმოადგენს 2020 წლის ოქტომბერი-ნოემბერი, როდესაც მაქსიმალური წილი აჭარის რეგიონში დაფიქსირდა.

ფოტო: NCDC

ანგარიშში, ასევე, ვკითხულობთ, რომ ყველა ლეტალურ შემთხვევაში დაავადების მიმდინარეობა იყო მძიმე ან კრიტიკული. სიკვდილის შესახებ სამედიცინო ცნობაში Covid-19-ით გარდაცვლილ პაციენტთა 69%-ს აღენიშნებოდა სხვადასხვა თანმხლები ქრონიკული დაავადება და გართულება.

თანმხლებ დაავადებებთა შორის:

  • კარდიო-ვასკულარული დ-ბი (ჰიპერტენზიის გარდა) — 69,1%;
  • ჰიპერტენზია — 35,3%;
  • დიაბეტი — 25,5%;
  • ონკოლოგიური დაავადება — 5,8%;
  • ფილტვის ქრონიკული დაავადება — 4,4%.

გართულებებს შორის:

  • პნევმონია — 74,7%;
  • სუნთქვის უკმარისობა — 73,6%;
  • რესპირაციული დისტრეს სინდრომი — 25,8%;
  • გულის უკმარისობა — 19%.

ფოტო: NCDC

კვლევაში, ასევე, ნათქვამია, რომ 2015-2019 წლებთან შედარებით ყველა მიზეზით ნამატი სიკვდილიანობა 2020 წლის ნოემბერ-დეკემბერსა და 2021 წლის აგვისტო-სექტემბრის თვეებში დაფიქსირდა.

კორონავირუსის გავრცელებასთან დაკავშირებული ეპიდემიოლოგიური სიტუაციის და განხორციელებული ღონისძიებების ანალიზის 2020 წლის 23 იანვრიდან 2021 წლის პირველ ოქტომბრამდე პერიოდის მონაცემებს მოიცავს.

გაიგე მეტი: