ფორმულას ჟურნალისტს უცნობი პირი და ფიზიკურად დაუპირისპირდა. ტელეკომპანიის ინფორმაციით შემთხვევა მარტვილში, ერთ-ერთ საარჩევნო უბანთან მოხდა.

გავრცელებულ ვიდეოში ჩანს, რომ ჟურნალისტი ეკითხება ერთ-ერთ ამომრჩეველს, რატომ დგას უბანთან მას შემდეგ, რაც ხმა მისცა, რაც კაცმა ასე უპასუხა:

"ოცნებას უნდა მივცეთ "პოლნი პადდერჟკაა".

ჟურნალისტის კითხვით გაღიზიანდა გვერდით მდგომი კიდევ ერთი კაცი, რომელიც ჟურნალისტს დაემუქრა, რომ კამერას "გადაატეხავს თავზე".

"გადააგდე თორე გაგიტეხავ ახლა მაგ 500 ლარიან კამერას. აბა რას მიღებ, გაწიე კამერა იქით [...] გაწიე-მეთქი, თორემ გადაგატეხავ თავზე ახლა ამას", — უყვირის კაცი ჟურნალისტს.

დღეს, 30 ოქტომბერს ადგილობრივი თვითმმართველობის არჩევნების მეორე ტური იმართება. მერი 15 თვითმმართველ თემსა და 5 თვითმმართველ ქალაქში, მათ შორის, თბილისში აირჩევა. გარდა ამისა, მეორე ტური გაიმართება 24 საარჩევნო ოლქში, რომლის შედეგად აირჩევა 42 მაჟორიტარი.