საარჩევნო უბანზე მისული პრეზიდენტი აცხადებს, რომ იმედი აქვს, ქვეყანაში პოლარიზაცია დასრულდება და თუ არ დასრულდება, ამით მხოლოდ "ჩვენი მეზობელი" ხეირობს. ჟურნალისტმა მას ჰკითხა, რა მოლოდინი აქვს შედეგებთან დაკავშირებით, რადგან არჩევნები მძიმე პოლიტიკური პროცესების ფონზე მიმდინარეობს. ზურაბიშვილმა ასე უპასუხა:

"თქვენი კომენტარი არ მჭირდება ამ წუთში, მე ვაკეთებ კომენტარს. გთხოვთ, დაწიეთ მიკროფონები. წყანარად, მე მგონია, რომ საჭიროა თქვენც და ჩვენც ყველამ ერთად, ვისწავლოთ ერთიანობა და სიწყნარე და სიმშვიდე და ამას მივეცი ხმა. მე ძალიან დიდი იმედი მაქვს, რომ ეს პოლარიზაცია, რაც ჩვენ ვნახეთ ამ წინასაარჩევნო პერიოდში და წინაპერიოდში, დასრულდება, იმიტომ, რომ ამ ქვეყნისთვის უნდა დასრულდეს და თუ არა, ხეირობს მხოლოდ ერთი — ჩვენი მეზობელი".

დღეს, 30 ოქტომბერს ადგილობრივი თვითმმართველობის არჩევნების მეორე ტური იმართება. მერობისა და მაჟორიტარობისთვის ჯამში 9 პარტიის, ასევე, ორი დამოუკიდებელი კანდიდატი იბრძოლებს.

გაიგე მეტი: