საერთაშორისო დემოკრატიული კავშირი (IDU) მოუწოდებს საქართველოს მთავრობას, მოხსნას სააკაშვილის მიმართ წარდგენილი ბრალდებები და დაუყოვნებლივ გაათავისუფლოს პატიმრობიდან. გარდა ამისა, სააკაშვილის ჯანმრთელობის მდგომარეობიდან გამომდინარე, ისინი მოითხოვენ სააკაშვილის გადაყვანას სამოქალაქო ჰოსპიტალში.

"სასწორზე დევს საქართველოს მომავალი. ადგილობრივი არჩევნების მეორე ტურის მოახლოებასთან ერთად პოლიტიკური ვითარება იძაბება. ქვეყნის მმართველი პარტია ქართული ოცნება ყველაფერს აკეთებს, რათა არ დაუშვას თავისუფალი და სამართლიანი კონკურენცია ერთიან ნაციონალურ მოძრაობასთან. რუსთავის ოფისზე თავდასხმა იყო კიდევ ერთხელ ადასტურებს, რომ ქართული ოცნება ახალისებს ძალადობას და ცილისწამებას ნაციონალურ მოძრაობასთან დაპირისპირების შიშით.

ნაციონალური მოძრაობის ჩართულობით, რომელიც წარმოადგენს ქართული ოცნების რეალურ ალტერნატივას, საარჩევნო კამპანიამ კიდევ ერთხელ შეიძინა დემოკრატიული და პროდასავლური ხმა. თავის მხრივ, მმართველი პარტია ცდილობს წინა წლების წარუმატებლობები გადაფაროს საზოგადოების გარიყვისა და პოლარიზაციის გზით", — ვკითხულობთ მათ განცხადებაში.

აქვე აღნიშნულია, რომ ამ სტრატეგიის "განსაკუთრებით მავნე" მაგალითიასააკაშვილის დაპატიმრება. მათი თქით, სააკაშვილისადმი წარდგენილი ბრალდებები არის ხელოვნური.

"საქართველოს მოქალაქეები, ისევე, როგორც საქართველოს საერთაშორისო მეგობრები და პარტნიორები, მოელიან საქართველოს ხელისუფლებისგან თავისუფალი, დემოკრატიული და გამჭვირვალე არჩევნებისა და თანასწორი უფლებების უზრუნველყოფას", — ვკითხულობთ განცხადებაში.

მიხეილ სააკაშვილი პირველ ოქტომბერს დააკავეს. ის უკვე 29 დღეა შიმშილობს და თავს პოლიტპატიმრად მიიჩნევს. სააკაშვილი უარს ამბობს ციხის დაწესებულებაში გადასვლაზე, რასაც პენიტენციური სამსახური და მთავრობა სთავაზობს, მთავრობა კი უარს ეუბნება მას კერძო კლინიკაში მკურნალობაზე.