ქართული ოცნების აღმასრულებელი მდივანის, მამუკა მდინარაძის თქმით, ექსპრეზიდენტ მიხეილ სააკაშვილის მხარდამჭერი აქცია "კარგი დადგმული" იყო.

"[ჩვენი აქცია] დღე კეთდება, ღამე — არა. პროჟექტორების ფონზე და გაწელილი ჩრდილი... ბევრი ამბობდა, ექსპერტებმაც თქვეს, სხვათა შორის. კარგი დადგმული იყო სხვათა შორის, უნდა ვაღიაროთ. იყო ძალიან კარგი დადგმული იმიტომ, რომ რამდენიმე ასეული ადამიანი იქ, კადრში როგორ, ეს იციან... გასაგებია ამისი პროფესიონალიზმი.

ბოროტებას ემსახურები თუ სიკეთეს, პროფესიონალიზმი ერთგანაც და მეორეგანაც გადგება. ცუდია, რომ ბოროტებაში ადგებათ მათ, მაგრამ სიკეთეშიც შეიძლება პროფესიონალიზმის გამოყენება და დარწმუნდებიან ამაში, მაგრამ ეს რაღაცა შუქჩრდილებით ხალხის გაბევრება, ესე დაწოლილი კადრები და ეს ახლა თქვენ ჩემზე კარგად იცით ეს ყველაფერი. ასე კი არ იქნება, დღისით, მზისით იქნება ეს ყველაფერი", — განაცხადა მამუკა მდინარაძემ იმედის ეთერში.

ქართული ოცნების მიერ 27 ოქტომბერს დაანონსებული "პარტიის მხარდამჭერების შემაჯამებელი საარჩევნო შეკრება" თბილისში, თავისუფლების მოედანზე გაიმართება.

14 ოქომბერს თავისუფლების მოედანზე ექსპრეზინდენტ მიხეილ სააკაშვილის მხარდამჭერი აქცია გაიმართა, სადაც ათეულობით ათასი ადამიანი იყო შეკრებილი.