კინემატოგრაფიული ხელოვნებისა და მეცნიერების, იგივე ამერიკის კინოაკადემია, სულ მალე საკუთარ მუზეუმს გახსნის.

მშენებლობა ივნისში, უილშირის ბულვარსა და ფეირფაქს ავენიუზე დაიწყება, სადაც ათას ადგილიანი დარბაზიც განთავსდება.

"მშენებლობის პირველი ეტაპი დასრულებულია. პირველ რიგში ვაპირებთ მიწისქვეშა სივრცეების მოწყობას. ეს იქნება კინოს ყველაზე დიდი მუზეუმი მთელს მსოფლიოში, რომელიც თავიდან ბოლომდე დაიტევს კინოს საუკუნოვან ისტორიას.", - ამბობს პროექტის კოორდინატორი.

აკადემიის მუზეუმის მშენებლობის დასრულება 2016 წლის ბოლოსკენ იგეგმებოდა, თუმცა გრაფიკმა გადაიწია და ახალი სივრცე 2019 წლის გაზაფხულზე გაიხსნება.