ეროვნული ბანკის ინიციატივით, საქართველოს საფინანსო სექტორი საერთაშორისო ტრადიციას უერთდება და წელს, პირველად, კიბერუსაფრთხოების ცნობიერების ამაღლების კამპანიას იწყებს. კიბერუსაფრთხოების ცნობიერების ამაღლების თვე, მსოფლიო მასშტაბით, ოქტომბერში აღინიშნება.

საქართველოს ეროვნული ბანკი, საგანმანათლებლო პლატფორმა ფინედუ, საბანკო ასოციაციისა და ექვსი კომერციული ბანკის — თიბისი ბანკის, საქართველოს ბანკის, ვითიბი ბანკის, ლიბერთი ბანკის, ბაზისბანკისა და პაშა ბანკის ჩართულობითა და მხარდაჭერით, კიბერუსაფრთხოების თემაზე ონლაინ ვებინარს წარმოგიდგენთ.

ონლაინ ვებინარის თემაა: "კიბერუსაფრთხოება, როგორც პროფესია", რომელიც 28 ოქტომბერს, 16:00 საათზე გაიმართება.

ღონისძიებას ჩაატარებენ კომერციული სექტორის კიბერუსაფრთხოების სამსახურის ექსპერტები.

მომხსენებლები ისაუბრებენ კიბერუსაფრთხოების ინდუსტრიის მნიშვნელობაზე და ამ სფეროში კარიერის დასაწყებად საჭირო უნარ-ჩვევებზე.
სპიკერები:

  • დავით პაპუაშვილი — საქართველოს ეროვნული ბანკი
  • ზაზა გაბაშვილი — პაშა ბანკი
  • ოთარ დანელია — საქართველოს ბანკი
  • მიხეილ ბენდიაშვილი — თიბისი ბანკი
  • ინგა ქარჩავა — საქართველოს საბანკო ასოციაცია
  • ლაშა შიშნიაშვილი — კრედო ბანკი
  • რობერტ ჩილინგაროვი — ლიბერთი ბანკი

ვებინარის საშუალებით, მონაწილეებს შესაძლებლობა ექნებათ უშუალოდ გაეცნონ პროფესიის შესახებ დეტალურ ინფორმაციას: რას ეხება კიბერუსაფრთხოება, რა მოვალეობები შეიძლება ჰქონდეთ ამ სფეროში დასაქმებულ ადამიანებს, გაიგონ მეტი დასაქმების პროცესთან დაკავშირებით და დასვან შეკითხვები.

ვებინარი ქართულ ენაზე ჩატარდება. ღონისძიებაში მონაწილეობის მისაღებად, გთხოვთ, შეავსოთ სარეგისტრაციო ფორმა.

შეიტანე წვლილი. #იყავიკიბერფრთხილი