რუსთავი 2-თან თბილისში ანასტასია შატალოვას მამა სერგეი შატალოვი აცხადებს, რომ "ეს შეკვეთილი მკვლელობაა". მისივე თქმით, არის დამნაშავეთა ჯაჭვი, რომლის შესახებაც გამოძიება ინფორმირებულია, მაგრამ იმისთვის, რომ სასამართლოს წინაშე წარსდგნენ, საჭიროა მტკიცებულებები, რომელიც გროვდება.

"ეს შეკვეთილი მკვლელობაა. სავარაუდოდ, გამოძიება უფრო მეტ დეტალს დაადგენს... ქართველმა გამომძიებლებმა უმოკლეს ვადაში გამოიძიეს ეს საქმე და დააკავეს დამნაშავეები, მინდა ყველა პოლიციელს და გამომძიებელს ამისთვის მადლობა ვუთხრა. გამოძიება პროფესიონალურად მიდის", — ამბობს ანასტასია შატალოვას მამა.

ის, დამკვეთსაც მიმართავს, რომ მას აუცილებლად დააკავებენ და დამნაშავე აუცილებლად დაისჯება.

თბილისში მომხდარი მკვლელობის ფაქტზე 19 ოქტომბერს სამი ადამიანი დააკავეს. პოლიციელებმა დაკავებულების საცხოვრებელი სახლების ჩხრეკისას დიდი ოდენობით ნარკოტიკული საშუალება და ხელყუმბარები ამოიღეს.

გამოძიება საქართველოს სისხლის სამართლის კოდექსის 108-ე, 19-353 პრიმა, 353-ე, 236-ე, 260-ე და 375-ე მუხლებით მიმდინარეობს.

გაიგე მეტი: