ალდაგის ახალი პროდუქტი — სიცოცხლისა და კრიტიკული დაავადებების დაზღვევა — მზადაა იმ ადამიანებისთვის, ვისაც სურთ, მიიღონ ფინანსური მხარდაჭერა ჯანმრთელობის მოულოდნელი კრიტიკული მდგომარეობის დადგომისას.

სიცოცხლისა და კრიტიკული დაავადებების დაზღვევა ჯანმრთელობის დაზღვევისგან იმით განსხვავდება, რომ მოიცავს მსხვილი თანხის ანაზღაურებას გარდაცვალების ან კრიტიკული დაავადების დადასტურების შემთხვევაში.

ალდაგის სიცოცხლისა და კრიტიკული დაავადებების დაზღვევა 16 ყველაზე გავრცელებულ დაავადებას მოიცავს, მათ შორის სიმსივნეს, ინფარქტს, ინსულტს, კომას, თირკმლის უკმარისობას, ალცჰაიმერის დაავადებას და სხვა. ამ დაავადებების დადასტურების შემთხვევაში, მომხმარებელი 100 ათას ლარამდე თანხას მიიღებს, რომელიც მას ავადმყოფობის დამარცხებაში დაეხმარება.

ალდაგის სიცოცხლისა და კრიტიკული დაავადებების დაზღვევას უფასოდ მოჰყვება შვილების დაზღვევაც.

"კიდევ ერთ-ერთი მნიშვნელოვანი სარგებელი, რაც ამ პროდუქტს ახლავს, წლების განმავლობაში უცვლელი ფასია", — აცხადებენ ალდაგში, — "ჯანმრთელობის დაზღვევისგან განსხვავებით, მომხმარებელს არ მოუწევს ყოველ წელს სიცოცხლისა და კრიტიკული დაავადებების დაზღვევის განახლება და ყოველ წელს განსხვავებული ფასის გადახდა. ფასი იქნება ფიქსირებული და მინიმალური, პირობითად თვეში 10 ლარით ადამიანს შეუძლია 50 ათასამდე ლარის მობილიზება კრიტიკული დაავადების დადგომის ან გარდაცვალების შემთხვევაში".

ანაზღაურების პროცედურა შემდეგია: კრიტიკული დაავადების დადასტურების შემთხვევაში, დაზღვეული იღებს ერთჯერად ფინანსურ დახმარებას, ხოლო გარდაცვალების შემთხვევაში, თანხა დაზღვეულის მიერ მითითებულ პირს სრულად გადაეცემა, რომლის განკარგვის თავისუფლება მასვე ექნება.

ვებგვერდზე life.aldagi.ge მომხმარებელს შეუძლია თავად დაიანგარიშოს ინდივიდუალური ფასი, რომელსაც ის ფიქსირებულად გადაიხდის სიცოცხლისა და კრიტიკული დაავადებების დაზღვევაში. ფასი დამოკიდებულია მომხმარებლის ასაკსა და სქესზე, ასევე ლიმიტებზე, რომელსაც ის აირჩევს. მაქსიმალური ასანაზღაურებელი თანხა 100 ათასი ლარია.