2016 წელს ნარკოტიკების უკანონო დამზადება, წარმოება, შეძენა, შენახვა, გადაზიდვა, გადაგზავნა ან გასაღებისთვის ხუთ არასრულწლოვანს მიუსაჯეს ბრალი. ბოლოს ხუთ წელიწადში არასრულწლოვნების მხრიდან ამ დანაშაულის ჩადენისთვის ბრალი ყველაზე ნაკლებ ადამიანს მიუსაჯეს. ინფორმაციას საქსტატი ავრცელებს.

ყველაზე მეტ (24) არასრულწლოვანს ნარკოდანაშაულისთვის 2001-2016 წლებში ბრალი 2001 წელს მიუსაჯეს, ყველაზე ნაკლები კი - გასულ წელს. ამ დანაშაულით გასამართლებულ არასრულწლოვნებს შორის იყვნენ გოგოებიც.

2001-2016 წლებში მსჯავრდებულ არასრულწლოვნებს შორის ყველაზე მეტი სასჯელს ქურდობისთვის იხდის. ამ პერიოდში, რიგ შემთხვევაში, ქურდობისთვის გასამართლებული არასრულწლოვნების რაოდენობა ამავე ასაკობრივი ჯგუფის მსჯავრდებული ადამიანების ნახევარზე მეტი იყო.

2016 წელს ბოლო ხუთ წელში იკლო როგორც არასრულწლოვანი მსჯავრდადებულების რაოდენობამ, ასევე, ამავე ასაკობრივ კატეგორიაში ქურდობისთვის გასამართლებული პირების რაოდენობამ. გასულ წელს სულ 146 არასრულწლოვანს მიესაჯა ბრალი, საიდანაც 67-ს ქურდობისთვის დანარჩენებს კი სხვადასხვა ბრალეულობის მიხედვით.

გასულ წელს სულ 146 არასრულწლოვანი (14-17 წლის) მსჯავრდებული იყო, ეს მონაცემი 2016 წელს მსჯავრდადებულების რაოდენობის (15 640) ერთ პროცენტზე ნაკლებია.