შინაგან საქმეთა სამინისტროს განცხადებით, ბათუმში მკვლელობისა და მკვლელობის მცდელობაში ბრალდებული პირი დააკავეს.

უწყების ცნობით, ბრალდებულმა 8 ოქტომბერს, ღამით ბათუმში მეზობლად მცხოვრები ძმები მათსავე საცხოვრებელ ბინაში ცეცხლსასროლი იარაღით დაჭრა და ადგილიდან მიიმალა, მიყენებული დაზიანებების შედეგად ერთ-ერთი მათგანი ადგილზე გარდაიცვალა.

შსს-ს ინფორმაციით, ბრალდებულს 13 ოქტომბერს სისხლის სამართლის კოდექსის 108-ე(განზრახ მკვლელობა) და 19-109 მუხლის მე-2 ნაწილის "ბ" ქვეპუნქტით(უმწეო მდგომარეობაში მყოფი პირის მიმართ ჩადენილი განზრახ მკვლელობის მცდელობა) წარედგინა ბრალი დაუსწრებლად და მასზე ძებნა გამოცხადდა.

უწყების განცხადებით, პოლიციამ დანაშაულის ჩადენის იარაღი ნივთმტკიცების სახით ამოიღო, დაკავებული კი პენიტენციურ დაწესებულებაშია გადაყვანილი.