საქართველოს მართლმადიდებლური ეკლესიის პატრიარქი, ილია მეორე ბაგრატიონთა სამეფო ოჯახის წევრებსა და ახლობლებს პრინცი ბაგრატის გარდაცვალების გამო სამძიმარს უცხადებს. პატრიარქის სამძიმრის წერილი საქართველოს საპატრიარქოს ვებგვერდზე გავრცელდა.

"მიიღეთ ჩვენი გულითადი თანაგრძნობა ბატონიშვილ ბაგრატ ბაგრატიონის გარდაცვალების გამო. აღვავლენთ ლოცვებს მისი უკვდავი სულისათვის და ამასთან შევთხოვთ ღმერთს, მოგანიჭოთ მშვიდობა და ურყევი რწმენა იმისა, რომ სიცოცხლე არ მთავრდება სიკვდილით, არამედ იგი დასაწყისია მარადიული ჭეშმარიტი ცხოვრებისა, რომლისთვისაც ჩვენ ყველანი უნდა მოვემზადოთ," - აღნიშნავს ილია მეორე.

საქართველოს სამეფო სახლის განცხადებით, პრინცი ბაგრატი ხანგრძლივი ავადმყოფობის შემდეგ გარდაიცვალა.