BBC-ის ცნობით, ლონდონის ცენტრში, პარლამენტთან სროლის ხმა იყო. პოლიტიკოსები შენობიდან ვერ გამოდიან. თემთა პალატის ლიდერმა დევიდ ლიდინგტონმა BBC-ის განუცხადა, რომ სავარაუდო თავდამსხმელს პოლიციელმა ესროლა.

მანამდე, თავდამსხმელი ვესტმისტერის ხიდზე ქვეითათ მოსიარულეებს ავტომანქანით დაეჯახა, რის შემდეგაც, გაიქცა სასახლისკენ და პოლიციის ოფიცერი დაჭრა.

The Associated Press-ის ცნობით, ლონდონის პოლიციამ მომხდარი ტერორისტულ ინციდენტად შეაფასა, მანამ სანამ რაიმე სხვა გარემოება არ გამოჩნდება.

Scotland Yard-ის განცხადებით, ინციდენტის შედეგად სულ მცირე 12 ადამიანია დაშავებული.

ლონდონის სატრანსპორტო კომპანიის ცნობით კი, პოლიციის მოთხოვნის საფუძველზე, დაიხურა მეტროსადგურები.