მნიშვნელოვანია, რომ ახლა ქვეყნის ყურადღება სიღრმისეული რეფორმებისკენ დაბრუნდეს

ევროპული საბჭოს პრეზიდენტის, შარლ მიშელის განცხადებით, ახლა, არჩევნების შემდეგ მნიშვნელოვანია, რომ ქვეყნის ყურადღება სიღრმისეული სტრუქტურული რეფორმებისკენ დაბრუნდეს. ამის შესახებ მან საკუთარ Twitter-ზე დაწერა.

"მივესალმები ყველა ქართველს, რომელმაც საკუთარი ხმა დააფიქსირა ადგილობრივი არჩევნების პირველ ტურში. მნიშვნელოვანია, რომ ახლა ქვეყნის ყურადღება დაბრუნდეს სიღრმისეულ სტრუქტურულ რეფორმებისკენ, როგორც იყო გაწერილი 19 აპრილის შეთანხმებაში, განსაკუთრებით საკანონმდებლო და სასამართლო სფეროში", — წერს ის.

I commend all Georgians who made their voices heard in the first round of the local elections.

Essential that the country's focus now return to in depth structural reforms, as set out in the 19 April Agreement, notably in the rule of law and judicial spheres.
— Charles Michel (@eucopresident) October 4, 2021

ცენტრალური საარჩევნო კომისიის წინასწარი მონაცემებით, თვითმმართველობის არჩევნების მეორე ტური 20 მუნიციპალიტეტში გაიმართება. მეორე ტური ჩატარდება თბილისშიც. მანამდე, 2 ოქტომბერს, ეგზიტპოლების შედეგების შემდეგ, მმართველმა პარტიამ ოფისთან საგანგებოდ მოწყობილ სცენაზე იზეიმა. იმედის დაკვეთით ჩატარებული GORBI-ის კვლევის მიხედვით, ქართულ ოცნებას 47%-ზე მეტი უნდა აეღო, ხოლო თბილისში მეორე ტური არ ინიშნებოდა.

2 ოქტომბერს საქართველოში ადგილობრივი თვითმმართველობის არჩევნები გაიმართა. მოსახლეობა მერებსა და საკრებულოების წევრებს ირჩევდა. თუმცა ამჯერად ეს არ არის მხოლოდ თვითმმართველობის არჩევნები — მიუხედავად იმისა, რომ ქართულმა ოცნებამ შარლ მიშელის შეთანხმება ანულირებულად გამოაცხადა, ოპოზიცია ამ არჩევნებს რეფერენდუმს უწოდებს. სწორედ ამ დოკუმენტის მიხედვით, იმ შემთხვევაში, თუ ქართული ოცნება თვითმმართველობის არჩევნებზე 43%-ზე ნაკლებს აიღებდა, რიგგარეშე არჩევნები უნდა ჩატარებულიყო.

ბოლო ამბები:

გირჩევთ