GDS-ის ყოფილი თანამშრომელი, თეონა მაზმიშვილი საზოგადოებრივი მაუწყებლის ტექნიკური დირექტორი გახდა. მაზმიშვილი მანამდე, წლების განმავლობაში, ტელეკომპანია რუსთავი 2-ში, იმედსა და მაესტროში სხვადასხვა პროექტის პროდიუსერი იყო.

კითხვაზე, როგორ შეირჩა ტექნიკური დირექტორის თანამდებობაზე თეონა მაზმიშვილი, საზოგადოებრივი მაუწყებლის გენერალური დირექტორი, ვასილ მაღლაფერიძე ასე პასუხობს: "ყველა კრიტერიუმით შევარჩიეთ, რაც კი უნდა იცოდეს".

2012 წლამდე ამ თანამდებობას გიორგი ბარათაშვილი იკავებდა, რომელიც მოგვიანებით მაუწყებლის დირექტორი გახდა.

On.ge-ს მონაცემებით, საზოგადოებრივ მაუწყებელზე, ბოლო პერიოდში, GDS-ის ექვსი ყოფილი თანამშრომელი გადავიდა სამუშაოდ. მათგან ოთხი საინფორმაციო გამოშვების პროდიუსერი გახდა, ერთი ვებგვერდის რედაქტორი, ერთი კი - ჟურნალისტი. მაღლაფერიძეც საზოგადოებრივი მაუწყებლის დირექტორობამდე, რაღაც დროის განმავლობაში, GDS-ში მუშაობდა, ის გადაცემა 20:30-ის პროდიუსერი იყო.