დღეს ექსპრეზიდენტმა, მიხეილ სააკაშვილმა Facebook-ზე ორი ვიდეო გამოაქვეყნა და განაცხადა, რომ ბათუმში იმყოფება. აღნიშნულთან დაკავშირებით, მითების დეტექტორმა გეოლოკაციის ინსტრუმენტით, კერძოდ, Google Maps-ის დახმარებით ვიდეოს გადაღების ადგილების განსაზღვრა სცადა.

პირველ ვიდეოში სააკაშვილი ამბობს, რომ იმყოფება იმ ადგილზე, სადაც ბათუმის ტექნოლოგიური უნივერსიტეტი უნდა ყოფილიყო. მითების დეტექტორი აღნიშნულის განხილვისას მიუთითებს, რომ ექსპრეზიდენტი აქ გოგებაშვილის ქუჩის მიმდებარე ტერიტორიას გულისხმობს და თან ურთავს რამდენიმე ობიექტის კადრს, რომელიც სააკაშვილის ფონზე ჩანს.

ფოტო: მითების დეტექტორი

"ეს ობიექტები ჰგავს გოგებაშვილის ქუჩაზე მდებარე საბაგიროს შენობას და ამავე ქუჩაზე მდებარე რესტორან სანაპიროს, ხოლო დისტანციაზე მოჩანს შენობა, რომელიც სასტუმრო ველმონდს ჰგავს", — აღნიშნულია განცახდებაში.

ფოტო: მითების დეტექტორი

ფოტო: მითების დეტექტორი

ფოტო: მითების დეტექტორი

ფოტო: მითების დეტექტორი

რაც შეეხება მეორე ვიდეოს, სადაც სააკაშვილი ამბობს, რომ ახალი ბულვარის ტერიტორიაზე იმყოფება, მითების დეტექტორის განცხადებით, რამდენიმე შენობა ჩანს, რომლებიც ჰგავს შერიფ ხიმშიაშვილის და ლეხ და მარია კაჩინსკების ქუჩებზე მდებარე შენობებს, მეტროსითი ბათუმს და სასტუმრო ეიფორიას.

კადრი მიხეილ სააკაშვილის ვიდეოდან

სასტუმრო ეიფორია

მეტროსითი, სასტუმრო ეიფორია

ამასთან, მითების დეტექტორი აღნიშნავს, რომ მიხეილ სააკაშვილის ვიდეოს ერთ-ერთ კადრში შენობაზე მწვანე წარწერაც ჩანს, რომელიც სავარაუდოდ, სასტუმრო Legend Business Hotel არის. მათ კვლევაში თანდართულია ამის ამსახველი ფოტოები:

კადრი მიხეილ სააკაშვილის ვიდეოდან

ფოტო: მითების დეტექტორი

სასტუმრო Legend Business Hotel

ფოტო: მითების დეტექტორი

"Legend Business Hotel-ის მარცხნივ მდებარე შენობა სასტუმრო ქართულია", — აღნიშნულია განცხადებაში.

მარცხნიდან: სასტუმრო ქართული, Legend Business Hotel, Metrocity

ფოტო: მითების დეტექტორი

დღეს, პირველ ოქტომბერს მიხეილ სააკაშვილმა Facebook-ზე პოსტი გამოაქვეყნა რომელმაც შექმნა ვარაუდი, რომ შესაძლოა, ის უკვე საქართველოშია. ამასთან, მან გაავრცელა ორი ვიდეოც, სადაც ამბობს, რომ ბათუმშია, ფონად კი ქალაქის ხედი ჩანს.

შინაგან საქმეთა სამინისტროში ამბობენ, რომ ექსპრეზიდენტს ქვეყნის საზღვარი არ გადმოუკვეთავს. ქართული ოცნების თავმჯდომარე ირაკლი კობახიძე კი ამტკიცებს, რომ სააკაშვილი საქართველოში არ არის, მისი ვიდეოები ფეიკია და იმაზე უფრო მარტივი ტექნოლოგიითაა გაკეთებული, ვიდრე DeepFake. მის პასუხად სააკაშვილის თანაგუნდელები ამბობენ, რომ ის ნამდვილად ჩამოვიდა,

აღსანიშნია ისიც, რომ 27 სექტემბერს სააკაშვილმა სოციალურ ქსელში გამოაქვეყნა კიევი-თბილისის თვითმფრინავის ბილეთი, რომლის მიხედვითაც 2 ოქტომბერს, დედასთან, გიული ალასანიასთან ერთად უნდა ჩამოფრენილიყო.

ამავე თემაზე: