კულტურის, სპორტისა და ახალგაზრდობის მინისტრის, თეა წულუკიანის თქმით, ნაციონალურმა მოძრაობას საქართველოში ლიდერი არ ჰყავს. ის ამბობს, რომ ვერც ნიკა მელია და ვერც სხვა ოპოზიციონერი პოლიტიკოსი ლიდერი ვერ არის.

"მე მესმის ამომრჩევლის, რომ სააკაშვილის სჯერა. იმიტომ, რომ აქ, თბილისში, ლიდერი ვერ შექმნა ნაციონალურმა მოძრაობამ. ისევ, ლიდერად მათ მიაჩნიათ ის, ვინც წასულია. იმიტომ, რომ შორს რომ არის ადამიანი გგონია, რომ ის ყოვლისშემძლეა [...]

როდესაც შორს არის, ვთქვათ, ნათესავი, რომელიც ძაან არ გიყვართ, მაგრამ, შორს რომ წასულა მოგნატრებიათ, არ მოგსვლიათ ასეთ? დარწმუნებული ვარ მოგსვლიათ. მათაც ეს სჭირთ, ალბათ. ჰგონიათ, რომ შორს არის და რაღაცას შეძლებს. აქ ლიდერი მათ არ ჰყავთ. რა თქმა უნდა, მელია ვერ არის ლიდერი და ვერც ერთი, ოპოზიციურ ფლანგზე, ლიდერად ვერ შედგა", — განაცხადა წულუკიანმა იმედის ეთერში.

მიხეილ სააკაშვილმა 27 სექტემბერს სოციალურ ქსელში გამოაქვეყნა კიევი-თბილისის თვითმფრინავის ბილეთი, რომლის მიხედვითაც 2 ოქტომბერს, დედასთან, გიული ალასანიასთან ერთად საქართველოში ჩამოფრინდება.

გაიგე მეტი: