პარტია საქართველოსთვის ლიდერის, გიორგი გახარიას განცხადებით, ავსტრიის ლაბორატორიაში ჩატარებული თმის ნიმუშის კვლევის შედეგად, ნარკოტიკული ნივთიერების მოხმარება არ დაუდასტურდა.

"ავსტრიის ლაბორატორიის FTC-Forensisch-Toxikologisches Labor დასკვნით, თმის ნიმუშის კვლევის შედეგად, არცერთი ნარკოტიკული ნივთიერების მოხმარება არ დადასტურდა. #არაჩადებას", — წერს ის Facebook-ზე.

18 სექტემბერს გახარიამ ვენის ჰოსპიტალში ჩატარებული ექსპერტიზის პასუხი გაასაჯაროვა და დაწერა, რომ ნარკოტიკული ნივთიერების მოხმარება არ დაუდასტურდა და თმის ნიმუშის კვლევის პასუხსაც მალე გამოაქვეყნებდა.

ნარკოტესტი პირველად ქართული ოცნების მერობის კანდიდატმა, კახა კალაძემ ჩაიტარა, ეს ჯანსაღი ცხოვრების პოპულარიზაციით ახსნა და სხვა კანდიდატებსაც იგივე მოუწოდა. მოწოდების საპასუხოდ, გახარიამ განაცხადა, რომ ოპონენტებმა მასთან დებატებზე პირისპირ დაჯდომის შიშით "ბანკებით" სირბილი დაიწყეს. 10 სექტემბერს მან, ასევე, განაცხადა, რომ ახლო მომავალში ნარკოტესტთან დაკავშირებით "საინტერესო ინფორმაციას" გაამხელდა.

გაიგე მეტი: