"გაჩერებული საათი დღეში 2-ჯერ სწორ დროს აჩვენებს" — ასე გამოეხმაურა ევროპული საქართველოს ლიდერი, გიგა ბოკერია პრეზიდენტის განცხადებას იმის შესახებ, რომ ქვეყანაში კოალიციური მთავრობა აუცილებელია. მისი განცხადებით, წინასაარჩევნო პერიოდში ოპოზიციის ნაწილმა აჩვენა, რომ კოალიციური მთავრობის ფორმირება შესაძლებელია.

"გაჩერებული საათი დღეში 2-ჯერ სწორ დროს აჩვენებს. ხო, ამ შემთხვევაში სწორია, ქვეყანას სჭირდება რა? ეს რეალობის გამომხატველი ამბავია, ჩვენს საზოგადოებას ეს მოლოდინი აქვს. ამას ახლავს ყოველთვის სირთულეები, ჩვენ არ გვაქვს ტრადიცია კოალიციური მმართველობის, მაგრამ ოპოზიცია ამ არჩევნების, წინასაარჩევნო პერიოდში, ამის წინა არჩევნებისგან განსხვავებით, კრიტიკულმა მასამ აჩვენა, რომ შეუძლიათ გონივრულ კომპრომისებზე წასვლა განსხვავებულ პოლიტიკურ ძალებს. ეს მნიშვნელოვანია ტრადიციის შესაქმნელად", — აცხადებს ბოკერია.

საქართველოს პრეზიდენტი, სალომე ზურაბიშვილი ფრანგულ ჟურნალ JDD-სთან ინტერვიუში ამბობს, რომ 9 წლის განმავლობაში სახელისუფლებო უმრავლესობის მიერ დაკომპლექტებული მთავრობის შემდეგ, ნათელია, რომ კოალიციური მთავრობა აუცილებელია. თუმცა, ზურაბიშვილი დასძენს, რომ რთულია იმის დანახვა, თუ როგორ შეძლებს ფუნქციონირებას კოალიციური მთავრობა, როდესაც პოზიციები ამდენად ანტაგონისტურია.

ამავე თემაზე: