საქართველოს პარლამენტის წევრის, თამარ კორძაიას განცხადებით, პრეზიდენტსაც უსმენენ და ამის გამო, ზურაბიშვილმა გააცნობიერა, რომ საჭიროა კოალიციური მთავრობა. მისივე შეფასებით, მიუხედავად იმისა, რომ კონსტიტუციით პრეზიდენტის უფლებამოსილებები შეზღუდულია, შეიძლება, ჰქონდეს გადამწყვეტი მნიშვნელობა.

"სალომე ზურაბიშვილი ხედავს კრიტიკულ ვითარებას ქვეყანაში, როდესაც მოქალაქეებს უკვე ამის ატანა აღარ შეუძლიათ, საყოველთაო თვალთვალის, მოსმენის. სალომე ზურაბიშვილი, ბოლოს და ბოლოს, პრეზიდენტია, რომელსაც უსმენენ ასევე, ამიტომ გააცნობიერა, რომ საჭიროა კოალიციური მთავრობა. [...]

მას აქვს ძალიან დიდი ბერკეტები, მიუხედავად იმისა, რომ კონსტიტუციით თითქოს უფლებამოსილებები არ აქვს. მაგრამ ის არის საქართველოს პრეზიდენტი და მას, მის სიტყვას, შეიძლება, ჰქონდეს გადამწყვეტი მნიშვნელობა, გადამწყვეტ მომენტში", — თქვა თამარ კორძაიამ.

საქართველოს პრეზიდენტი სალომე ზურაბიშვილი ფრანგულ ჟურნალ JDD-სთან ინტერვიუში ამბობს, რომ 9 წლის განმავლობაში სახელისუფლებო უმრავლესობის მიერ დაკომპლექტებული მთავრობის შემდეგ, ნათელია, რომ კოალიციური მთავრობა აუცილებელია. თუმცა, ზურაბიშვილი დასძენს, რომ რთულია იმის დანახვა, თუ როგორ შეძლებს ფუნქციონირებას კოალიციური მთავრობა, როდესაც პოზიციები ამდენად ანტაგონისტურია.

ამავე თემაზე: