კანადაში მდებარე რაირსონის უნივერსიტეტის კრეატიული სკოლა მელომანებს განსაკუთრებულ შესაძლებლობას სთავაზობს: სტუდენტებს კანადელი მუსიკოსების — დრეიკისა და The Weeknd-ის შესახებ სალექციო კურსის გავლა შეეძლებათ.

"დროა, რეპისა და რიტმ-ენდ-ბლუზის კანადელი ვარსკვლავები დავაფასოთ და აკადემიურ სივრცეში ვაღიაროთ. მნიშვნელოვანია, რომ მეცნიერებმა და ისტორიკოსებმა გამოიკვლიონ ტორონტოს მუსიკალური სცენა, რომელმაც დრეიკი და Weeknd შვა და მათ წარმატების მიღწევისთვის აუცილებელი პირობების შექმნაში დაეხმარა", — ამბობს სალექციო კურსის ლექტორი დალტონ ჰიგინსი.

სალექციო კურსი 2022 წლის ზამთრის სემესტრიდან იქნება ხელმისაწვდომი და უნივერსიტეტის მიხედვით, მსურველთა რიცხვი უკვე საკმაოდ დიდია. კურსის განმავლობაში სტუდენტები აღნიშნული მუსიკოსების სიმღერების ტექსტებსაც გაარჩევენ.

"როცა ტორონტოდან ორი შავკანიანი კანადელი არტისტი გყავს, რომლებიც რეპს, რიტმ-ენდ-ბლუზსა და პოპს ასრულებენ და მომავალში უდავოდ მილიარდერობის გზას ადგანან, ფაქტია, რომ მათგან ბევრი რამის სწავლაა შესაძლებელი", — ამბობს ჰიგინსი.

ჰიგინსი იმედს იტოვებს, რომ სალექციო კურსის დასრულების შემდეგ სტუდენტები მუსიკის, რასისა და ცხოვრების, აგრეთვე, მათი ურთიერთმიმართების შესახებ რთულ კითხვებს დასვამენ.

ამავე თემაზე: