იმუნოლოგ-ალერგოლოგ ბიძინა კულუმბეგოვის განცხადებით, მხარს უჭერს ჯერ 12-დან 15 წლამდე ასაკის რისკის ქვეშ მყოფი ბავშვების, შემდეგ კი ბუსტერული, მესამე დოზით მოსახლეობის ვაქცინაციას.

"12-15 წლის რისკის მქონე დაავადების ბავშვების აცრა მყარი რეკომენდაციით, დარჩენილი კონტინგენტის ვაქცინაცია ოჯახის სურვილის შემთხვევაში! 6 თვის პერიოდის გასვლის შემდეგ ბუსტერული ანუ მესამე დოზების საკითხი ასაკოვანი და რისკის დაავადების ან პროფესიის (სამედიცინო პერსონალი, მასწავლებლები, წინა ხაზის მუშაკები, ჟურნალისტები, პოლიცია...) ხალხისთვის!

პ.ს. მხარს ვუჭერ ვაქცინაციის ამ სქემით გაგრძელებას, იმედია გადაწყვეტილება დროულად იქნება მიღებული და გასაჯაროებული", — წერს კულუმბეგოვი.

საქართველოში ამ დროისთვის 4 სხვადასხვა ვაქცინა მოქმედებეს და აცრა შეუძლია ყველა მსურველს, 16 წლის ზემოთ. 9 სექტემბერს ჯანდაცვის მინისტრის მოადგილემ, თამარ გაბუნიამ განაცხადა, რომ შესაძლოა WHO-ს რეკომენდაციას არ დაელოდონ და რისკის ქვეშ მყოფი 12-15 წლის მოზარდების ვაქცინაცია დაიწყონ. რაც შეეხება მესამე დოზით აცრას, ამ ეტაპზე ეს საკითხი გადაწყვეტილი არ არის. აგვისტოში დაავადებათა კონტროლის ეროვნული ცენტრის დირექტორმა, ამირან გამყრელიძემ განაცხადა, რომ მესამე დოზით ვაქცინაცია მაშინ იქნება მიზანშეწონილი, როცა მოსახლეობის უმრავლესობა ორჯერადად აიცრება და ამ საკითხზე შემოდგომის ბოლოსთვის ისაუბრებენ.

ვაქცინაციისთვის დარეგისტრირება შეგიძლიათ ვებგვერდზე Booking.moh.gov.ge.

იხილეთ იმ დაწესებულებების ჩამონათვალი, სადაც შესაძლებელია ვაქცინაცია. სია პერიოდულად ახლდება და ადგილები ემატება.

ასევე, შეგიძლიათ ნახოთ იმ დაწესებულებების სია, სადაც აცრას წინასწარი რეგისტრაცის გარეშე შეძლებთ. გარდა ამისა, თბილისში მოქმედებს ვაქცინაციის მოძრავი პუნქტები.

გაიგეთ მეტი: როგორ უნდა მიხვიდეთ ასაცრელად, როცა საზოგადოებრივი ტრანსპორტი შეზღუდულია — მარშრუტები