UWC (გაერთიანებული მსოფლიო კოლეჯები) საქართველო აცხადებს აპლიკაციების მიღებას საერთაშორისო საბაკალავრო დიპლომის პროგრამაზე 2022-2024 სასწავლო წლისთვის.

"თუ ხარ 15-16 წლის და შენი ოცნებაა საერთაშორისო ხარისხის განათლება მიიღო, განახორციელო შენი იდეები და გააუმჯობესო სამყარო, გახდი სოციალურად აქტიური ახალგაზრდების გაერთიანების ნაწილი", — ამბობენ UWC საქართველოში.

პროგრამაზე დასარეგისტრირებლად ეწვიეთ ბმულს. განაცხადის მიღების ბოლო ვადაა 7 ნოემბერი, 23:00.

UWC (გაერთიანებული მსოფლიო კოლეჯები) არის მოძრაობა, რომლის მიზანია გამოიყენოს განათლება როგორც ძალა ხალხის, ერისა და სხვადასხვა კულტურის გასართიანებლად მშვიდობიანი და მდგრადი მომავლისათვის.

ამჟამად, მსოფლიოს მასშტაბით 18 UWC სკოლაა, სადაც 160 ქვეყნიდან დაახლოებით ცხრა ათასზე მეტი მოსწავლე სწავლობს. თითოეული სკოლა მოსწავლეებს სთავაზობს IB დიპლომის პროგრამას (International Baccalaureate Diploma Program), რომელიც მსოფლიოში ყველაზე ცნობილი წინა საუნივერსიტეტო პროგრამაა 16-19 წლის ასაკობრივი ჯგუფის მოსწავლეებისთვის. აღსანიშავია, რომ თითქმის ყველა სკოლაშია შესაძლებელი 100%-მდე დაფინანსების მოპოვება.

UWC საქართველო დაფუძნდა 2014 წელს, როგორც საქართველოს ნაციონალური კომიტეტი. დღეისთვის, საქართველოდან UWC სკოლებში სასწავლებლად 35-ზე მეტი სტუდენტი შეირჩა.

UWC-ის საგანმანათლებლო მოძრაობისა და მიღების პროცესის შესახებ ინფორმაცია მიიღეთ ვებსაიტიდან, ფეისბუქ გვერდიდან ან დაუკავშირდით ორგანიზაციას ელექტრონულ ფოსტაზე [email protected]