აგვისტოში მსოფლიოს ყველაზე დიდი ფორუმის, Reddit-ის ერთ-ერთმა მომხმარებელმა მდიდარი ოჯახის შვილებს მიმართა: "რა იყო ის, რაც ბავშვობაში ნორმალური გეგონათ და მოგვიანებით აღმოაჩინეთ, რომ მხოლოდ თქვენი ყოველდღიურობა იყო?". მდიდარმა ადამიანებმაც არ დააყოვნეს და რამდენიმე არაჩვეულებრივი მაგალითი მოიყვანეს იმის საჩვენებლად, რომ სხვადასხვა კლასის ოჯახების ცხოვრება ერთმანეთისგან რადიკალურად განსხვავდება.

1. ნივთის შეცვლა ყველა ბზარზე

"ბავშვობაში თუ რაიმე გამიტყდებოდა, უბრალოდ ვხუმრობდით იმაზე, რა მოუქნელი ვიყავი და მაშინვე ახალს ვყიდულობდით. უთვალავი ტელეფონი, კომპიუტერი და კამერა მაქვს გამოცვლილი. მხოლოდ ცოტა ხნის წინ მივხვდი, რომ სხვები გაფუჭებულ ნივთებს მაშინვე არ ყრიან. როგორც წესი, ჯერ შეკეთებას ცდილობენ".

—u/sayhummus

2. სტეიკი ყოველდღე

"სტეიკს იმდენად ხშირად ვჭამდით, რომ მე და ჩემ ძმას ყელში გვქონდა ამოსული. ვერ ვხვდებოდი, რატომ აღიქვამდა ხალხი სტეიკ რესტორნებში ვიზიტს ასეთ დიდ ამბად. მხოლოდ გაზრდის მერე მივხვდი, რომ სხვა ოჯახებში სტეიკი იშვიათობა იყო."

—u/AllDogsGoToReddit

3. ყოველწლიური შვებულება

"მეგონა რომ ყველას შეეძლო ყოველ წელს დასასვენებლად ოჯახთან ერთად წასვლა."

—u/joebidenthedictator

4. ძვირადღირებული სახლები

"ვფიქრობდი რომ ყველას სახლი მინიმუმ მილიონი დოლარი ღირდა. სადაც მე ვცხოვრობდი, იქ მილიონდოლარიანი სახლი ძვირფასადაც კი არ ითვლებოდა, სრულიად ჩვეულებრივი ამბავი იყო. ახლა ყველა სახლი მინიმუმ ორი მილიონი ღირს".

—u/ultimate_ampersand

5. სახლისთვის ახალი ნაწილების დამატება

"მუდმივად ვაფართოებდით სახლს. მამაჩემი ამბობდა, რომ თუ ამ სახლში სამუდამოდ უნდა გვეცხოვრა, კარგი იქნებოდა, დიდი სივრცე გვქონოდა".

—u/Skrrattaa

6. საჭმლის შეკვეთა ყოველდღე

"საჭმელად კაფეში / რესტორანში წასვლა ან ყოველდღე გამოძახება. ჩემი მშობლები სულ მუშაობდნენ, არც ერთს არ ჰქონდა საჭმლის მომზადების დრო, ამიტომ საჭმელს დღეში ერთხელ მაინც ვიძახებდით. ხანდახან — ორჯერაც, მათ შორის, ძვირფასი რესტორნებიდანაც. მეგონა, რომ საჭმელს მხოლოდ სერიალებში ამზადებდნენ სახლში".

—u/Glittering-Return171

7. საკმაოდ სოლიდური თანხა ჯიბის ფულისთვის

"თინეიჯერობისას ყოველ თვე £400-ს მაძლევდნენ (დაახლოებით 1700 ლარი). არავინ აკონტროლებდა, რაში დავხარჯავდი ფულს. ტანსაცმელს მაინც მშობლები მყიდულობდნენ. ისიც უნდა აღინიშნოს, რომ ჩემს მეგობრებს მშობლები კიდევ უფრო მეტ ფულს აძლევდნენ."

—u/Square-Grab-5644

8. პირველი კლასით მგზავრობა

"მეგონა, რომ მთელ თვითმფრინავში ისეთივე დიდი სკამები იყო, როგორებზეც ჩვენ ვისხედით ხოლმე ფრენისას"

—u/Testboi1131

9. სტუდენტური სესხები

"მეგონა, რომ არავინ ირჩევდა კოლეჯს იმის მიხედვით, თუ რამდენი ღირდა სწავლა და ასევე მიკვირდა, რატომ იღებდნენ სესხს სწავლისათვის"

—u/madbarbarian4u

10. აეროპორტამდე ლიმუზინით მისვლა

"ამას ნორმალურ ტრადიციად ვთვლიდი."

—u/dvnrscsy

ბონუსი: მდიდრული ყველი

"ყოველთვის გვქონდა მაცივარში მინიმუმ ორი სახეობის ყველი. მხოლოდ მარტო გადასვლის მერე გავიგე, თუ რამდენად ძვირია ყველი."

—u/thesecrwns