პანდემიის პერიოდში ჯენიფერ ენისტონმა საზოგადოებას თავი რეგულაციების სამაგალითო დაცვით დაამახსოვრა. ჯენიფერი საზოგადოებას ვაქცინაციისა და პირბადის ტარებისკენ გამუდმებით მოუწოდებს. მიუხედავად იმისა, რომ ქვეყნების ნაწილში ცხოვრება თანდათანობით ძველ ტემპს უბრუნდება და სხვადასხვა ღონისძიებებიც ტარდება, ჯენიფერი ემის დაჯილდოებაზე დასწრებას არ აპირებს. ამის მიზეზი კი ისაა, რომ პანდემია არ დასრულებულა.

ჯენიფერი ჯერ კიდევ არიდებს თავს დახურულ სივრცეში გამართულ ღონისძიებებსა და შეკრებებს. სწორედ ამიტომ მას წლევანდელ ემის დაჯილდოებაზე ვერ ვიხილავთ მიუხედავად იმისა, რომ Friends:The Reunion-მა ემის რამდენიმე ნომინაცია მოიპოვა. ამის შესახებ ჯენიფერმა ჯიმი კიმელის შოუში ისაუბრა.

"არა, წასვლას არ ვაპირებ", — უთხრა ჯენიფერმა ჯიმი კიმელს.

მსახიობმა აღნიშნა, რომ ჯიმის შოუში მონაწილეობის მიღება მისთვის უკვე დიდი ნაბიჯი იყო, რადგან პანდემიის დროს ცხოვრების სტილი რადიკალურად შეიცვალა.

აღსანიშნავია, რომ აგვისტოში ჯენიფერმა განაცხადა, რომ აუცრელ მეგობრებთან ურთიერთობას წყვეტდა. ამის მიზეზი კი ის გახდა, რომ აღნიშნული ადამიანების ნაწილს ვაქცინის გაკეთება არ სურდა, მეორე ნაწილს კი იმის გამხელა, იყო თუ არა აცრილი.

"ეს რთულია, რადგან ყველას აქვს უფლება ჰქონდეს საკუთარი აზრი, თუმცა ბევრი აზრი მხოლოდ შიშსა და პროპაგანდას ეფუძნება", — ამბობს ჯენიფერი.

ჯენიფერის თქმით, ადამიანებს მორალური და პროფესიული ვალდებულება აქვთ, რომ სხვებს გაუმხილონ, აიცრნენ თუ არა, რადგან კოვიდტესტირებას ყოველდღიურად არ ვიკეთებთ. ჯენიფერი წუხდა, რომ ირგვლივ უამრავი ანტივაქსერია, რომელთაც ფაქტებისთვის ყურის დაგდება არ უნდათ.

ამავე თემაზე: