მედუზა ბელტაზე დაყრდნობით წერს, რომ ბელარუსი რუსეთისგან მილიარდ დოლარზე მეტი ღირებულების იარაღის შეძენას გეგმავს. მედიის ცნობით, ბელარუსის პრეზიდენტმა, ალექსანდრე ლუკაშენკომ ამის შესახებ სამხედრო სწავლებაზე დასავლეთი 2021 თქვა.

"ჩვენ ვაწარმოებთ მოლაპარაკებებს და ვგეგმავთ S-400-ის მიწოდებას. [9 სექტემბერს მოსკოვში გამართულ მოლაპარაკებებზე] ჩვენ დიდ ყურადღებას ვაქცევდით თავდაცვისა და უსაფრთხოების საკითხებს ვლადიმერ პუტინთან", — განაცხადა ლუკაშენკომ.

პირველ სექტემბერს ლუკაშენკომ თქვა, რომ რუსეთი ბელარუსს მალე მიაწვდის ათობით თვითმფრინავს, შვეულმფრენს, საჰაერო თავდაცვის სისტემებს და, შესაძლოა, S-400 საზენიტო სარაკეტო სისტემასაც. 12 სექტემბერს მან განმარტა, რომ რუსეთი ბელარუსს 2025 წლამდე "დიდი რაოდენობით" იარაღს მიაწვდის.

9 სექტემბერს ვლადიმერ პუტინმა და ალექსანდრე ლუკაშენკომ მოლაპარაკებები გამართეს მოსკოვში და 28 სამოკავშირეო პროგრამაზე შეთანხმდნენ, რომელიც მიზნად რუსეთისა და ბელარუსის ინტეგრაციას ისახავს. მოკავშირე პროგრამების შესახებ დეტალები არ გახმაურებულა.