ქართული ოცნების გენერალური მდივანი, კახა კალაძე კითხვას, გაუმკლავდება თუ ვერა მექსიკაში საქართველოს ელჩობას ზაზა გაბუნია, ასე პასუხობს. კალაძის თქმით, მთავარია მონდომება და სურვილი.

"არაფერი არ არის გასამკლავებელი და რთული. მთავარია მონდომება, მთავარია გქონდეს შესაბამისი განათლება, სურვილი [...] კომპეტენციის ნაკლებობა არასდროს არ ჰქონია და კომპეტენტური ახალგაზრდაა. განათლებულია, ნასწავლია და მინდა წარმატება ვუსურვო", — განაცხადა კახა კალაძემ.

ქართული ოცნების ყოფილი დეპუტატი ზაზა გაბუნია მექსიკაში, ცენტრალურ ამერიკასა და კარიბის ზღვის ქვეყნებში საქართველოს საგანგებო და სრულუფლებიან ელჩად დაინიშნა. ოპოზიციის ნაწილი აცხადებს, რომ გაბუნიას ამ თანამდებობაზე მხოლოდ მმართველ პარტიისადმი ლოიალური დამოკიდებულების გამო დაინიშნა, რადგან მას არ აქვს შესაბამისი დიპლომატიური გამოცდილება.