ფორმულას ინფორმაციით, ვაშლიჯვრის ფერდობზე ახალი ნაპრალები გაჩნდა და მთის ქვედა ფერდი უკვე დაძრულია. ამასთან დაკავშირებულ კითხვას თბილისის მერმა, კახა კალაძემ ასე უპასუხა:

"არანაირი პრობლემა არაა. თქვენ იცით, რომ ახალი გზა გაგვყავს, შესაბამისად, არის 3 კონკრეტული ადგილი, რომელიც მეწყერსაშიში იყო და ჩვეულებრივად ამ კონკრეტულ ადგილებზე მიმდინარეობს სამუშაოები იმისთვის, რომ პროექტი როდესაც დასრულდება, ყველანაირად ამ ახალ გზაზე გადაადგილება იყოს ყველასთვის უსაფრთხო".

17 მარტს ფორუმზე გავრცელდა ფოტოები, სადაც ჩანს, რომ ვაშლიჯვრისა და ნუცუბიძის დამაკავშირებელი გზის ფერდობზე ნაპრალები გაჩნდა. ფოტოების გავრცელებამდე, დილით, თბილისის მერმა, კახა კალაძემ განაცხადა, რომ მაჭავარიანის ქუჩაზე მეწყრული პროცესების გააქტიურების გამო ტრანსპორტის მოძრაობა ორმხრივად შეიზღუდებოდა. კალაძეს არ უთქვამს ზუსტად როდის დაიწყო ეს პროცესები, თუმცა აღნიშნა, რომ დამეწყრილი უბნის შესწავლაში მერიის სამსახურებთან ერთად, შესაბამისი უწყებების სპეციალისტები უკვე ჩართულნი იყვნენ.

ამავე თემაზე: