გორის თეატრის დირექტორი თანამდებობიდან გაათავისუფლეს, რასაც ის გახარიას პარტიაში გაწევრიანებას უკავშირებს. გია წვერავას აზრით, სამსახურიდან პოლიტიკური ნიშნით გაათავისუფლეს, თუმცა ამის მიზეზად დაუსახელეს ის, რომ თეატრში არ შეინიშნებოდა ადმინისტრაციულ-ორგანიზაციული და ფინანსური კუთხით განვითარება.

"პოლიტიკური ნიშნით, ანუ მას შემდეგ, რაც ღიად დავაფიქსირე ჩემი შეხედულებები და მოვხვდი პარტია "საქართველოსთვის" პროპორციული სიის პირველ ათეულში, კულტურის სპორტის და ახალგაზრდობის სამინისტროს გადაწყვეტილებით გამანთავისუფლეს გორის სახელწიფო დრამატული თეატრის დირექტორის თანამდებობიდან, იმ მოტივით, რომ თითქოს: (ციტატა) "გია წვერავას აღნიშნულ თანამდებობაზე ყოფნის პერიოდში, სსიპ გორის გიორგი ერისთავის სახელობის პროფესიულ სახელმწიფო დრამატულ თეატრში არ შეინიშნება ხელშესახები განვითარება ადმინისტრაციულ-ორგანიზაციული და ფინანსური კუთხით. მოცემულ პერიოდში არ არის განხორციელებული პროექტები, რომლებიც მნიშვნელოვნად გააუმჯობესებდა თეატრის მიერ საკუთარი შემოსავლების ზრდის ტენდენციას." და ასე შემდეგ", — წერს გია წვერავა Facebook-ზე.

ამ საკითხზე On.ge კულტურის სამინისტროსაც დაუკავშირდა, სადაც წვერავას გათავისუფლების მიზეზების განმარტება არ ისურვეს. პრესსამსახურმა მოკლე პასუხი SMS-ის საშუალებით გაგვცა:

"ვადასტურებთ, რომ გია წვერავა აღარ დაიკავებს გორის თეატრის დირექტორის თანამდებობას. თუ მას მიაჩნია, რომ ამგვარი გადაწყვეტილება უკანონოა, აქვს შესაძლებლობა, კანონით დადგენილი წესით გაასაჩივროს", — განუცხადეს On.ge-ს კულტურის სამინისტროში.

ყოფილი პრემიერმინისტრი, გიორგი გახარია და პარტია საქართველოსთვის წევრები ზეწოლაზე აქამდეც საუბრობდნენ: