გირჩის ერთ-ერთი ლიდერის, იაგო ხვიჩიას განცხადებით, საქართველოს ექსპრეზიდენტმა დღეს რაც უნდა თქვას, ის აუცილებლად ბიძინა ივანიშვილთან იქნება შეთანხმებული. ასე ეხმაურება ის მიხეილ სააკაშვილის მიერ დაანონსებულ განცხადებას, სადაც, ექსპრეზიდენტის თქმით, იტყვის, რა ფორმით ჩაერთვება საქართველოში მიმდინარე პროცესებში.

"მე ჯერ არ ვიცი რა უთქვამს მიხეილ სააკაშვილს, მაგრამ თქვენ იცით ჩემი რწმენა, რომ რაც არ უნდა თქვას, შეთანხმებული იქნება ბიძინა ივანიშვილთან და ისეთი იქნება, რომელიც ქოცებს აწყობთ, აგერ მე და აგერ თქვენ, შევხედოთ, რამდენიმე საათი მოვითმინოთ", — განაცხადა ხვიჩიამ.

მიხეილ სააკაშვილმა Facebook-ზე დააანონსა, რომ დღეს, 6 სექტემბერს საქართველოში მიმდინარე პროცესებში უშუალო ჩართულობასთან დაკავშირებით განცხადებას გააკეთებს. მას გეგმებზე ამ დრომდე არ უსაუბრია.