ჟურნალისტ ელისო კილაძის შვილს თბილისის საქალაქო სასამართლომ აღკვეთის ღონისძიების სახით წინასწარი პატიმრობა შეუფარდა. სასამართლომ ამ საკითხზე დღეს იმსჯელა.

გამოძიება სისხლი სამართლის კოდექსის 260-ე მუხლით მიმდინარეობს. ამ მუხლით, ნარკოტიკული საშუალების, მისი ანალოგის ან პრეკურსორის უკანონო დამზადება, წარმოება, შეძენა, შენახვა, გადაზიდვა ან გადაგზავნა დასჯადია და პატიმრობას ითვალისწინებს. დაკავებული დანაშაულს არ აღიარებს.

კილაძე შვილის დაკავებას თავის ჟურნალისტურ საქმიანობას უკავშირებს.