ციციშვილის კლინიკაში კორონავირუსით ინფიცირებული ახალშობილი გარდაიცვალა. On.ge-სთან საუბრისას კლინიკაში განმარტეს, რომ ჩვილი 25 დღის იყო და მას თანმხლები დაავადებები ჰქონდა.

"ბათუმიდან შემოყვანილი მძიმე პაციენტი იყო, ჰქონდა თანმხლები რთული დაავადებები და იმყოფებოდა მართვით სუნთქვაზე რეანიმაციაში", — განაცხადეს კლინიკაში.

4 სექტემბრის მონაცემებით, საქართველოში კორონავირუსის 2 684 ახალი შემთხვევა დადასტურდა, გამოჯანმრთელდა 2 695, ხოლო გარდაიცვალა — 83 ადამიანი.

ქვეყანაში Covid-19-ის პანდემიის გავრცელებიდან დღემდე დადასტურებული შემთხვევების საერთო რაოდენობა შეადგენს 562 627-ს, მათგან გამოჯანმრთელდა — 509 181, ხოლო ვირუსს ჯამში ემსხვერპლა 7 732 ადამიანი.