გრიგოლ ვაშაძის განცხადებით, ნაციონალური მოძრაობის წევრებს თვე-ნახევარი აფრთხილებდა, რომ წასვლას აპირებდა და ისინი იცინოდნენ. ამის შესახებ მან TV პირველის ეთერში განაცხადა.

"გეფიცებით, თვე-ნახევარი ვაფრთხილებდი ყველას, რომ მივდივარ. თვე-ნახევარი ვაფრთხილებდი და ყველა ამაზე... ჰე-ჰე-ჰე — ესე იცინოდა", — განაცხადა გრიგოლ ვაშაძემ.

ვაშაძემ ნაციონალური მოძრაობა 2020 წლის დეკემბერში დატოვა. ამის შესახებ მან Facbook-ზე დაწერა და პარტიის დატოვების მიზეზად სტრატეგიული პარტნიორების ელჩებზე თავდასხმა და პარტიის გარშემო და მის შიგნით ისეთი "ოდიოზური" ფიგურების გამოჩენა დაასახელა, რომლებთან ერთადაც ვერასდროს მოიპოვებდნენ ამომრჩევლის ნდობას.