ჟურნალისტი და სპორტის ახალი ამბების წამყვანი, დიმა ობოლაძე ტელეკომპანია იმედის შემოთავაზებას დათანხმდა. ამის შესახებ ობოლაძემ On.ge-ს რამდენიმე წუთის წინ განუცხადა.

კითხვაზე რა შეიძლება იყოს მისი ერთი არხიდან მეორში გადასვლის მიზეზი, ის ასე პასუხობს: "ჩემი პასუხი არის, რომ ეს არის ტრანსფერი ერთი გუნდიდან მეორეში".

ის მუშაობას ახალ სამსახურში უახლოეს დღეებში იწყებს, აპრილიდან კი იმედზე დღის მთავარ საინფორმაციო გამოშვებაში - ქრონიკა 20 საათზე სპორტის ბლოკის წამყვანი იქნება. მის მოვალეობაში შედის დღის განმავლობაში არხზე სპორტის ახალი ამბების დაგეგმვაც.

"ეს ჩვეულებრივი შემოთავაზება იყო, რომელზეც შევთანხმდით. არ იყო ადვილი გადაწყვეტილება. საბოლოო გადაწყვეტილება ის იყო, რომ სპორტი უნდა გამეკეთებინა მაგ არხზე. მთლიანობაში იყო კარგი წინადადება. ფინანსებიც იყო, ვინ დაიჯერებს რომ არ იყო?" - ამბობს ობოლაძე, რომელიც რუსთავი 2-შიც სპორტის მიმართულების ხელმძღვანელის თანამდებობას იკავებდა.